عوار بلاعيمي سببه فيروس او بكتيريا؟
اكيد مليتوا وانتوا تسمعون طبيب العايلة في المستوصف يقولكم ان بلاعيمك سببها فيروس ومو بكتيريا والمضاد الحيوي يقتل البكتيريا وليس فيروس. انزين على اي أساس الطبيب حكم ان عندك فيروس في بلاعيمك. انا أقولك: الأساس الأول وهو ان اغلب الدراسات اللي سووها العلماء على مدار السنوات اكتشفوا ان اغلب سبب لالتهاب البلعوم اهو سببه فيروسي...يمكن ماقتنعت؟ اوكي نروح للاساس الثاني والاقوى:
الأطباء عندهم أمور اذا شافوها في مريض التهاب البلعوم يحطون ببالهم ان السبب بكتيري أكثر من فيروسي. يسمونها بالانجليزي:
Centor score criteria
دور عليها بالنت راح تلقاها مطابقة لكلامي، انزين شنو هالاعراض هذي:
١-حرارة ٣٨.٥ فما فوق
٢-وجود صديد في اللوز
٣-الغدد اللمفاوية الأمامية اللي تحت الرقبة مؤلمة
٤-مافي كحة، أعيد مافي كحة!
اذا توافرت هذي الأعراض اهني المضاد الحيوي تحتاجه.
شكرًا لكم
د.عبدالله المسلم
طب العائلة
Twitter @FamilyMedKuwait
Instagram: FamilyMedKuwait
دام ان اغلب الاسباب تكون "فيروسي" عيل ليش الدكتور يوصف مضاد في حال التهاب اللوز رغم ان المضاد يعالج البكتريا وليس الفيرس؟
ردحذف